Անշարժ գույք Օլիմպիական Ռիվիերայում՝ տների, բակարանների,առանձնատների ու քոթեջների վաճառք և վարձակալություն:
Սալոնիկ քաղաքից հարավ գտնվում է Պիերիա զբոսաշրջային շրջանը, որը հայտնի է նաև Օլիմպիական Ռիվիերա անվանմամբ:
Տարածաշրջանի հարմար տեղակայվածությունն ու լավագույն ենթակառուցվածքները հնարավորություն են տալիս հեշտությամբ հասնել այս շրջանում գտնվող բազմաթիվ պատմական վայրեր: Հենց այստեղ է գտնվում վեհ Օլիմպը՝ հին հունական աստվածների բնակավայրը: Այսօր այն Ազգային արգելոց է հանդիսանում՝ միջերկրածովային բուսական և կենդանական աշխարհի մեծ բազմազանությամբ: Ի հակադրություն շատերի կարծիքի՝ Օլիմպը միայն բարձունք չէ, այն նաև լեռնաշղթա է, որ ձգվում է Մակեդոնիայի և Թեսսալիայի սահմանի ողջ երկայնքով: Ամեն տարի մեծ քանակությամբ զբոսաշրջիկներ են այցելում այս վայրը: Բացի այդ, հին հունական քաղաքակրթությունը այստեղ թողել է իր մշակույթի հրաշալի նմուշներ: Դրանցից առավել նշանավոր է հնադարյան ժամանակներից հայտնի Դիոն բնակավայրը, որը տարածվում է առասպելական Օլիմպ լեռան վրա: Օլիմպի լանջերից դեպի ծով հիասքանչ տեսարան է բացվում, այդ իսկ պատճառով, ձեռք բերելով անշարժ գույք Օլիմպիական Ռիվիերայում, Դուք կարող եք Ձեզ համար ամեն օր բացահայտել նոր զարմանալի վայրեր:
Պիերիայի մայրաքաղաքը Կատերինին է: Այն հունական ժամանակակից քաղաքի չափանիշներով համեմատաբար խոշոր քաղաք է, որտեղ լավ զարգացած է տնտեսական գործունեությունը, սոցիալական և տրանսպորտային ենթակառուցվածքները: Զբոսաշրջային հոսքերի բարձր տեմպի շնորհիվ Կատերինին տարեցտարի շարունակում է զարգանալ, հետևաբար Օլիմպիական Ռիվիերայում և մասնավորապես այդ քաղաքում անշարժ գույքի ձեռքբերումը շահավետ ներդրում է հանդիսանում:
Օլիմպի ստորոտին գտնվում է Լիտոխորո փոքրիկ ու հիասքանչ քաղաքը: Զարմանալիորեն գեղատեսիլ և զբոսաշրջիկների շրջանում շատ սիրված այս քաղաքը կարողացել է պահպանել իր ավանդական ոճը: Այն կարելի է բաժանել երկու մասի. մի հատվածում կյանքը եռում է՝ բազմաթիվ ժամանցի վայրեր, ռեստորաններ, սրճարաններ, մինչդեռ մյուս տեղում կարելի է զբոսնել նեղ փողոցներով և տեսնել այս շրջանին բնորոշ ավանդական ճարտարապետական ոճով կառուցված շինություններ: Լիտոխորոյից կարելի է բարձրանալ Օլիմպ լեռ:
Հունաստանում երիտասարդական հանգստի ամենատարածված վայրերից է Պարալիա Կատերինի փոքր զբոսաշրջային քաղաքը, որը գտնվում է տաք Էգեյան ծովի ափին՝ հայտնի Պիերիա շրջանում: Լավ հանգստանալու և զվարճանալու համար երիտասարդներն այստեղ են գալիս ոչ միայն Հյուսիսային Հունաստանից, այլ նաև ամբողջ Եվրոպայից: Զբոսաշրջիկների մոտ մեծ ճանաչում ունեն բազմաթիվ բարերը և ակումբները: Շուրջօրյա վայելքներին զուցահեռ Պարալիա Կատերինին գրավում է ներդրողներին և նրանց, ովքեր ցանկանում են տուն ձեռք բերել ծովի ափին: Զարգացած ենթակառուցվածքները, հրաշալի բնաշխարհը, ավազոտ ծովափերն ու լեգենդար Օլիմպ լեռան մոտ գտնվող գեղատեսիլ Էգեյան ծովը առավելություն է հանդիսանում Պիերիայում և մասնավորապես Պարալիա Կատերինի շրջանում անշարժ գույք ձեռք բերելու համար:
Պարալիա Կատերինիում կառուցված են բազմաթիվ թենիսի կորտեր, բասկետբոլային հրապարակներ, ինչպես նաև հետաքրքիր հեծանվային երթուղիներ՝ հեծանվավազքի սիրահարների համար: Իրականացվում են տարբեր մրցույթներ նրանց համար, ովքեր իրենց ուժերն են ցանկանում փորձել լողափնյա վոլեյբոլի և մինի ֆուտբոլի ասպարեզում: Հատուկ հարմար երթուղի կա նաև կարտինգի համար, որը կարող է լինել ինչպես սեփական հաճույքի համար,այնպես էլ տարբեր մրցարշավների համար:
Օլիմպիական Ռիվիերայի այս շրջանում անշարժ գույքի ձեռք բերումը երջանկություն կպարգևի Ձեր ընտանիքի բոլոր անդամներին՝ ամենփոքրից մինչև ամենամեծին:
Պիերիայի՝ցանկացած նախասիրության համար նախատեսված զբոսաշրջային հնարավորությունները հանդիսանում են կուրորտի այցեքարտը, որն իր հերթին հնարավորություն է տալիս ընտրել առավել հարմարավետ հանգիստ և ժամանց: Կարելի է ոչ միայն ժամանակ անցկացնել հիասքանչ լողափին, վայելել ծովի մաքուր ջուրն ու մեղմ արևը, այլ նաև սուզվել զվարճանքների շրջապտույտի մեջ:
Կատերինիից 25 կմ և Սալոնիկից 92 կմ հեռավորության վրա է գտնվում Լեպտոկարիա զբոսաշրջային վայրը: Գյուղակում հրաշալի կերպով համատեղվում են հունական ավանդույթներն ու եվրոպական զսպվածությունը: Լեպտոկարիայում հանգիստ է և հարմարավետ, գրեթե չկա ավտոմեքենաների շարժ: Միևնույն ժամանակ այստեղ չեն մոռանում ուրախ գիշերային կյանքի մասին: Բյուջետային հանգիստ, մատչելի գներ սրճարաններում, պանդոկներում և ռեստորաններում: Լեպտոկարիան կարծես թե միակ մերձափնյա զբոսաշրջային գյուղակն է, որտեղ կա երկաթուղային կայարան: Լեպտոկարիայում անշարժ գույքի գներն ավելի մատչելի են , քան Հունաստանի այլ հանգստյան գոտիներում:
Պլատամոնաս գյուղակը հետաքրքիր է առաջին հերթին միջնադարյան ամրոցով: Պլատամոնասը շատ հարմար գյուղակ է՝ գեղեցիկ ծովափով, որի երկայնքով տեղաբաշխված են բազմաթիվ սրճարաններ, պանդոկներ և բարեր: Պլատամոնասի լողափն ուժեղ ալիքներից պաշտպանված է ալիք կասեցնող հնարքներով, որոնք երաշխավորում են երեխաների անվտանգությունը լողափին :
Հին Պանտելեյմոնասը Պլատամոնասից ոչ հեռու՝ Օլիմպ լեռան վրա տեղակայված փոքր լեռնային գյուղակ է: Այստեղից հրաշալի տեսարան է բացվում դեպի ծով ու ծովափնյա կուրորտներ: Հին Պանտելեյմոնասում ճանապարհորդները հիանում են իրական հունական կոլորիտով. սա տարածաշրջանի ամենագեղեցիկ վայրերից մեկն է: Ավտոմեքենաները հազվադեպ երևույթ են գյուղակում, միայն տեղացիներին է թույլ տրվում օգտվել ավտոմեքենայից : Զբոսաշրջիկները, այցելելով գյուղակ, թողնում են մեքենան ավտոկայանատեղում և շրջում են ոտքով: Այստեղ կան մի քանի հրաշալի պանդոկներ, որտեղ մատուցում են տեղական խոհանոցի հրաշալի ուտեստներ: Պետք է նշել, որ բոլոր ճաշատեսակները պատրաստվում են տեղական մթերքներից և մսից, նույնիսկ հացը թխվում է տեղում՝ ճաշը մատուցելուց անմիջապես առաջ:
Նոր Պանտելեյմոնասը Օլիմպ լեռան ստորոտին կառուցված գյուղակ է, որը զգալիորեն տարբերվում է Հին Պանտելեյմոնասից: Այստեղ ժամանակակից տներ են, դպրոցներ, խանութներ, սպորտային հրապարակներ, պանդոկներ, սրճարաններ, ինչպես նաև կա նոր եկեղեցի: Տունն այսպիսի գյուղակում իդեալական տարբերակ է հանգիստ կյանքի համար:
Նեի Պորի գյուղակը գտնվում է Կատերինիից 43 կմ հեռավորության վրա: Դա Պիերիայի ամենահարավային գյուղակն է, որը հայտնի է իր 5 կմ երկարությամբ ավազե լողափով, որն ամեն տարի իր մաքրության համար պարգևատրվում է Եվրոպական Միության «Երկնագույն դրոշով»:
Օլիմպիակի Ակտին (Օլիմպիական Ափ). Կատերինիից 8 կմ հեռավորության վրա գտնվող գյուղակ է: Հրաշալի կազմակերպված հանրային լողափը, հրաշալի բնաշխարհն ու Օլիմպ լեռան մոտ գտնվելը գրավում է հազարավոր զբոսաշրջիկների: Գյուղակում լավ զարգացած են զբոսաշրջային ենթակառուցվածքները: Կան ցանկացած նախասիրության հյուրանոցներ, բազմաթիվ պանդոկներ, սրճարաններ և բարեր: Պիերիայում, բացի այս հայտնի լողափերից, կան նաև մի քանի հրաշալի լաղափեր, որոնք մաքրության համար ևս պարգևատրվել են Եվրոպական Միության «Երկնագույն դրոշներով»: Դրանք են՝ Սկոտինա, Մակրիյալոս, Մեֆոնի, Գրիցա և այլ լողափները:
Հենց Պիերիայում է զարմանալիորեն համատեղվում աղմկոտ և ուրախ կուրորտային կյանքը,ինչպես նաև հունական բնապատկերների հանգստությունն ու ծովային տարերքի ոգեշնչումը :